Fréttir

Stúdentaráð Háskóla Íslands boðar til blaðamannafundar í Mýrinni, Grósku, föstudaginn 27. október kl 11:00. Til umræðu verður ólögmæti skrásetningargjalda, lögbrot Háskóla Íslands og fjármögnun opinberra háskóla. 

Á stúdentaráðsfundi 19. október sl. samþykkti stúdentaráð að senda erindi til Háskóla-, iðnaðar- og nýsköpunarráðuneytisins og Fjármála- og efnahagsráðuneytisins um fjárhagsstöðu stúdenta. Tilefnið er að á haustþingi ber Alþingi að endurskoða lög um menntasjóð námsmanna nr. 60/2020, en í núverandi horfi veitir námslánakerfið svo lítinn stuðning við stúdenta að um 70% stúdenta vinna á sama tíma og kennsla fer fram. Af þeim sögðust 72% vinna vegna þess að annars hefðu þau ekki efni á að stunda nám.

Í erindi Stúdentaráðs segir: „Stjórnvöld verða að horfast í augu við þá staðreynd að þetta er vottorð, svart á hvítu, um að námslánakerfið hér á landi sé vanfjármagnað […]. Því hagstæðari sem námslánin eru, þeim mun líklegri er sá hópur sem er „of mikið“ á vinnumarkaði til þess að huga betur að náminu. Þetta virðist alveg hafa farið fram hjá íslenskum stjórnvöldum.“

„Áratugum saman hefur Stúdentaráð Háskóla Íslands bent á að fjárfesting í stuðningi við stúdenta er allt of lítil þrátt fyrir að þess megi vænta að ríkisútgjöld til þeirra mála borgi sig margfalt til baka, jafnvel þótt aðeins sé litið til skatta sem háskólamenntað fólk greiðir og litið fram hjá öðrum ávinningi. Þetta er grundvallarvandinn við námslánakerfið á Íslandi og engar hagræðingar eða tilfærslur á styrkjaleiðum munu leysa hann.“

Erindið má nálgast hér.

 

Við kynnum með stolti nýtt samstarf SHÍ og Krónunnar! 

 

Nú geta íbúar á stúdentagörðum við HÍ (Eggertsgötu, Sæmundargötu, Suðurgötu og Hótel Sögu) fengið heimsendingu á betri kjörum með kóðanum “SHI1920”. 

Til þess að virkja afsláttinn er farið inn í mínar síður, sem er hægra megin um leið og Krónu-appið er opnað. Svo er ýtt á þrjár línur sem birtast uppi í hægra horni. Þar er svo ýtt á stillingar og þar neðst niðri stendur kóði fyrir íbúakjarna. Þar er kóðinn SHI1920 sleginn inn, þá á kóðinn að virkjast sjálfkrafa þegar pantað er. Athugið að einungis er hægt að nýta afsláttarkóðann á ákveðnum tímasetningum en nánari upplýsingar um þær er að finna í appinu.

 

Við erum afar spennt fyrir þessu samstarfi og vonumst til þess að þetta sé aðeins byrjunin á farsælu samstarfi SHÍ og Krónunnar!

Fimmtudaginn 26. október 2023 fer Stúdentaráðsfundur fram kl. 16:00 í stofu HT-300.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þá skal auglýsa meðal stúdenta og er áhugasömum velkomið að mæta á fundi ráðsins.

Vinsamlegast hafið samband við skrifstofu Stúdentaráðs, í síma 570-0850 eða í tölvupósti, shi@hi.is, ef spurningar vakna um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá:

1. Forseti Stúdentaráðs setur fund 16:00-16:05 
2. Erindi vegna skrásetningargjalda (atkvæðagreiðsla) 16:05-16:45 
3. Önnur mál 16:45-16:50 
4. Fundi slitið 16:50

Búið er að opna fyrir umsóknir í fyrstu úthlutun Stúdentasjóðs 2023-2024. 

Umsóknareyðublað er að finna hér og mælum við með að þið kynnið ykkur sjóðinn þar, sérstaklega lög og verklagsreglur hans, áður en sótt er um. Tekið er við umsóknum til 12:00 þriðjudaginn 31. október 2023 Umsóknum sem berast eftir þann tíma verður sjálfkrafa vísað frá. 

Dæmi um styrki sem veittir eru í þessari úthlutun eru félaga- og höfðatölustyrkir fyrir nemendafélög, ferðastyrkir, ráðstefnustyrkir og viðburðarstyrkir.

ATH. framfærslustyrkir og greiningarstyrkir verða veittir í næstu úthlutun.

Spurningum skal vísað til Dagnýjar Þóru Óskarsdóttur, forseta sjóðsins, á netfangið studentasjodur@hi.is

Fimmtudaginn 19. október 2023 fer Stúdentaráðsfundur fram kl. 17:00 í stofu TH 102.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þá skal auglýsa meðal stúdenta og er áhugasömum velkomið að mæta á fundi ráðsins.

Vinsamlegast hafið samband við skrifstofu Stúdentaráðs, í síma 570-0850 eða í tölvupósti, shi@hi.is, ef spurningar vakna um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá:

1. Forseti Stúdentaráðs setur fund 17:00-17:05
2. Fundargerð síðasta fundar Stúdentaráðs þann 20. september borin upp til samþykktar (atkvæðagreiðsla) 17:05-17:10
3. Eftirstandandi tilnefningar í nefndir og sviðsráð Stúdentaráðs (atkvæðagreiðsla) 17:10-17:15
4. Tilkynningar og mál á döfinni 17:15-17:30
5. Félagsstofnun stúdenta – Guðrún Björnsdóttir, framkvæmdastjóri FS (kynning og umræður) 17:30-18:15
6. Fjárhagsáætlun SHÍ 2023-24 kynnt – Guðmundur Ásgeir Guðmundsson, framkvæmdastjóri SHÍ (atkvæðagreiðsla) 18:15-18:30
   Hlé 18:30-18:40
7. Erindi um fjárhagsstöðu stúdenta í ljósi endurskoðunar á lögum um Menntasjóðs námsmanna – Gísli Laufeyjarson Höskuldsson, Lánasjóðsfulltrúi SHÍ (umræður og atkvæðagreiðsla) 18:40-18:50
8. Niðurstöður stefnumótunardags – framkvæmdaáætlanir fastanefnda (umræður og atkvæðagreiðsla) 18:50-19:05
9. Niðurstöður stefnumótunardags – skýrsla (umræður ) 19:05-19:15
10. Tillaga um Aukið gagnsæi í rekstri Félagsstofnun stúdenta – Júlíus Viggó Ólafsson 19:15-19:25
11. Tillaga um sjötta meðlim Fjármála- og atvinnulífsnefndar –  Danival Örn Egilsson 19:25- 19:35
12. Tillaga um að reglugerðir um salerni verði uppfærð – Kristmundur Pétursson og Rannveig Klara Guðmundsdóttir 19:35-19:45
13. Önnur mál 19:45-20:00
14. Bókfærð mál
15. Fundi slitið 20:00

Mánudaginn 9. október 2023 fer Stúdentaráðsfundur fram kl. 17:00 í stofu TH 101.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þá skal auglýsa meðal stúdenta og er áhugasömum velkomið að mæta á fundi ráðsins.

Vinsamlegast hafið samband við skrifstofu Stúdentaráðs, í síma 570-0850 eða í tölvupósti, shi@hi.is, ef spurningar vakna um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá:

1. Forseti Stúdentaráðs setur fund 17:00-17:05
2. Lagabreytingar (umræður og atkvæðagreiðsla) 17:05-18:25
3. Önnur mál 18:25-18:30
4. Fundi slitið 18:30

Kæru stúdentar!

Nefndir Stúdentaráðs eru í leit að sínum fimmta meðlimi til að ganga til liðs við sig. Um er að ræða alþjóðanefnd, félagslífs- og menningarnefnd, fjölskyldunefnd, umhverfis- og samgöngunefnd, lagabreytinganefnd og fjármála- og atvinnulífsnefnd.

Í umsókninni skal taka fram stutta kynningu á umsækjanda og fyrri reynslu sem gæti nýst í nefndinni, námsleið umsækjanda og hvers vegna hann telur sig eiga heima í nefndinni. Umsóknir skulu berast á netfangið shi@hi.is. Umsóknarfrestur í allar nefndirnar er til 23:59 þann 8. október 2023.

Hér að neðan má sjá yfirlit yfir starfsemi nefndanna, en frekari upplýsingar má einnig finna á heimasíðu Stúdentaráðs.

 

Félagslífs- og menningarnefnd

Verkefni nefndarinnar eru margvísleg en hún sér um skipulagningu, framkvæmd og utanumhald á hinum ýmsu viðburðum innan Háskóla Íslands, t.d. viðburði í tengslum við Októberfest SHÍ, Fyndnasta háskólanemann og Partybingó. Nefndin leggur mikið upp úr því að gleðja samstúdenta, með góðum móral, flippi og samheldni stúdenta HÍ.

 

Fjármála- og atvinnulífsnefnd

Nefndin tekur til meðferðar atvinnumál stúdenta auk tengsla þeirra við atvinnulífið. Markmið nefndarinnar er að skapa mikilvæga tengingu stúdenta við atvinnulífið, tengingu sem helst til framtíðar.

 

Lagabreytinganefnd

Lagabreytinganefnd SHÍ gætir þess að lagabreytingatillögur stúdentaráðsliða séu í samræmi við heildarendurskoðun.

 

Alþjóðanefnd

Alþjóðanefnd tekur til meðferðar mál er varða hagsmuni erlendra stúdenta við HÍ og mál íslenskra stúdenta erlendis. Hún heldur einnig utan um tengiliðaverkefni sem gefur íslenskum nemendum og erlendum skiptinemum færi á að kynnast. Nefndin vinnur í samstarfi við skrifstofu alþjóðasamskipta Háskóla Íslands. 

 

Umhverfis- og samgöngunefnd

Umhverfis- og samgöngunefnd Stúdentaráðs sinnir umhverfismálum samanber endurvinnslu, sjálfbærnisstefnu Háskóla Íslands, samgöngumálum og skipulagsmálum tengdum háskólasvæðinu og byggingum FS. Nefndin hefur það að markmiði að auka umhverfisvitund stúdenta með ýmsum viðburðum innan háskólans.

 

Fjölskyldunefnd

Fjölskyldunefnd vinnur að almennri hagsmunabaráttu fjölskyldufólks við HÍ og markmið nefndarinnar er að styðja sem best við stúdenta sem eiga börn svo þau geti sinnt bæði námi og fjölskyldulífi. Nefndin skipuleggur fjölmarga fjölskylduvæna viðburði, svo sem Íþróttaskóla SHÍ og Fjölskylduhátíð SHÍ í tengslum við Októberfest svo eitthvað sé nefnt.

 

Í tilkynningu frá Stjórnarráðinu kemur fram að opinberir háskólar fái ekki heimild til að hækka skrásetningargjöld líkt og skólarnir óskuðu eftir í desember síðastliðnum. Háskóla-, iðnaðar- og nýsköpunarráðherra hafði áður tekið þá ákvörðun að skrásetningargjöld yrðu ekki hækkuð á síðastliðnu vorþingi. Kom sú tilkynning í kjölfar herferðar Stúdentaráðs í mars síðastliðnum sem gekk undir yfirheitinu ,,Stúdentar splæsa” þar sem Stúdentaráð lagðist alfarið gegn hækkun skrásetningargjaldsins. Því eru miklar gleðifréttir fyrir stúdenta að opinberir háskólar fái ekki heimild til hækkunar skrásetningargjalda. 

Baráttan á sér langan aðdraganda en fyrir um áratug þegar skrásetningargjöld voru árið 2014 hækkuð úr 60 þúsund  í 75 þúsund. Þessari hækkun var mótmælt harðlega af Stúdentaráði og var í kjölfarið send kvörtun til Háskólaráðs og seinna meir til umboðsmanns Alþingis. Síðastliðin þrjú ár hefur baráttan verið hávær og hefur Stúdentaráð staðið að herferðum í tengslum við skrásetningargjöldin. 

Málið var aftur til umræðu skólaárið 2020-2021. Á háskólaráðsfundi 6. febrúar 2020 var rætt um hækkun skrásetningargjalda við Háskóla Íslands úr 75.000 í 104.000 krónur fyrir árið 2020 og í 107.000 kr. árið 2021. Í kjölfar þessarar umræðu sendi Stúdentaráð frá sér yfirlýsingu þar sem ráðið lagðist alfarið gegn þessari hækkun. Í mars 2020 sendi Stúdentaráð formlega kvörtun vegna skrásetningargjaldana til Umboðsmanns Alþingis og seinna í sama mánuði fékkst það staðfest frá þáverandi mennta-og menningarmálaráðherra að skrásetningargjöld yrðu ekki hækkuð að sinni. 

Í desember síðastliðnum kom fram á fundi Háskólaráðs að rektorar opinberu háskólanna höfðu sent sameiginlegt bréf á Áslaugu Örnu, ráðherra háskólamála. Í bréfinu var óskað eftir heimild til þess að skrásetningargjald yrði hækkað úr 75.000kr í 95.000kr. Þetta var harðlega gagnrýnt af fulltrúum stúdenta í Háskólaráði í bókun þeirra á fundinum. Í kjölfar þessa sendi Stúdentaráð frá sér yfirlýsingu þar sem ráðið lýsti yfir þungum áhyggjum af fjármögnun Háskóla Íslands en að auki var beiðni rektorana einnig harðlega gagnrýnd. Var þetta upphaf herferðar sem Stúdentaráð hrinti af stað í mars 2023. Herferðin endaði með friðsömum mótmælum stúdenta fyrir utan Ráðherrabústaðinn þann 10.mars þar sem ríkisstjórnarfundur fór fram. Rebekka Karlsdóttir, þáverandi forseti Stúdentaráðs, afhenti forsætisráðherra og fjármálaráðherra bréf sem innihélt samantekt á áherslum Stúdentaráðs sem og spurningar til ráðherra. Sú herferð bar árangur en líkt og kom fram hér áðan tilkynnti ráðherra háskólamála að skrásetningargjöld yrðu ekki hækkuð á vorþingi og fjárframlög til háskólastigsins yrðu aukin.

 

Skrásetningagjöldin þegar of há! 

Árið 2021 hratt Stúdentaráð af stað herferð undir yfirskriftinni ,,Stúdentar eiga betra skilið”. Sú herferð fjallaði um fjárhagslegt öryggi stúdenta. Í þeirri herferð undirstrikaði Stúdentaráð að skrásetningargjöld væru auknar álögur á samfélagshóp sem er nú þegar í viðkvæmri stöðu. Í sömu herferð var einnig undirstrikuð sú staðreynd að í nágrannalöndunum tíðkast ekki að íþyngjandi gjöld fylgi því að stunda háskólanám

Stúdentaráð fagnar þeirri ákvörðun ráðherra að veita ekki heimild til hækkunar en þó er nauðsynlegt að undirstrika að baráttunni er ekki lokið. Skrásetningargjöld og annað sem eykur fjárhagslegt óöryggi stúdenta veldur áfram áhyggjum. Öllum tilraunum til að hækka gjöldin í framtíðinni mun verða mætt af fullum þunga af hálfu stúdenta. Stúdentaráð hefur sýnt þrautseigju  við að gæta hagsmuna stúdenta og leggur áherslu á mikilvægi þess að stúdentar standi saman í þessum málum. 

 

En eru skrásetningagjöldin lögleg? 

Á sama tíma og tilkynning ráðherra er mikil gleðitíðindi er vert að minnast á þá staðreynd að Stúdentaráð hefur lengi sett spurningarmerki við lögmæti innheimtingu skrásetningargjalda yfir höfuð. Stúdentaráð telur að skrásetningargjald sem innheimt er við opinberu háskóla landsins samræmist ekki lögum um þjónustu háskólanna sem opinberra stofnana. Við hvetjum því ráðherra eindregið til að stíga skrefinu lengra og hefja vinnu við endurskoðun skrásetningargjalda með tilliti til lækkunar eða afnáms. 

Miðvikudaginn 20. september 2023 fer Stúdentaráðsfundur fram kl. 17:00 í stofu TH 103.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þá skal auglýsa meðal stúdenta og er áhugasömum velkomið að mæta á fundi ráðsins.

Vinsamlegast hafið samband við skrifstofu Stúdentaráðs, í síma 570-0850 eða í tölvupósti, shi@hi.is, ef spurningar vakna um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá:

1. Forseti Stúdentaráðs setur fund 17:00-17:05
2. Fundargerð síðasta fundar Stúdentaráðs þann 22. ágúst borin upp til samþykktar (atkvæðagreiðsla) 17:05-17:10
3. Eftirstandandi tilnefningar í nefndir og sviðsráð Stúdentaráðs (atkvæðagreiðsla) 17:10-17:15
4. Tilkynningar og mál á döfinni 17:15-17:30
5. Kynning á stöðu mála í lögbundinni endurskoðun laga um Menntasjóðs Námsmanna – Gísli Laufeyjarson Höskuldsson, Lánasjóðsfulltrúi SHÍ 17:30-17:50
6. Ársreikningur SHÍ 2022-2023 kynntur – Guðmundur Ásgeir Guðmundsson, framkvæmdastjóri SHÍ 17:50-18:00
7. Lagabreytingar (umræður og atkvæðagreiðsla) 18:00-18:30
   Hlé 18:30-18:40
8. Kynning á könnun um fjárhagsstöðu stúdenta – Katrín Björk Kristjánsdóttir og María Sól Antonsdóttir 18:40-18:55
9. Niðurstöður stefnumótunardags – framkvæmdaáætlanir fastanefnda (umræður og atkvæðagreiðsla) 18:55-19:20 
10. Önnur mál 19:20-19:30
11. Bókfærð mál
12. Fundi slitið 19:30