Month: July 2025

Stúdentaráð Háskóla Íslands auglýsir eftir umsóknum í stöðu verkefnastjóra Októberfest 2025.

Verkefnastjóri Októberfest:
Verkefnastjóri Októberfest heldur utan um samskipti við verktaka, umsjón markaðsmálum í samráði við SHÍ og almennt utanumhald um Októberfest af hálfu SHÍ. Samantekt og skýrsla eftir hátíðina. Starfsmaðurinn er ráðinn í hlutastarf á meðan ráðningartímabilinu stendur.

Hæfniskröfur:
Reynsla af viðburðastjórnun, markaðsstörfum, góð samskiptahæfni, skipulagshæfni og sjálfstæð vinnubrögð.

Umsóknarferli:
Umsóknarfrestur er til 30. júlí 2025. Umsóknir skulu berar á netfangið shi@hi.is. Hverri umsókn skal fylgja kynningarbréf, ferilskrá og upplýsingar um tvo meðmælendur. Umsóknir sem berast eftir umsóknarfrest verða ekki teknar til greina.

Stúdentaráð Háskóla Íslands auglýsir eftir umsóknum í stöðu sjálfbærnifulltrúa fyrir starfsárið 2025-2026.

Sjálfbærnifulltrúi:
Sjálfbærnisfulltrúi háskólanema er stöðugildi sem Festa – miðstöð um sjálfbærni fjármagnar með styrk til skrifstofu Stúdentaráðs Háskóla Íslands. Fulltrúinn vinnur í nánu samstarfi við Festu með því markmiði að efla vitund háskólanema um sjálfbærni og stuðla að sjálfbærari háskólasamfélagi.

Helstu verkefni: 

• Skipuleggja fræðsluviðburði tengda sjálfbærni.
• Miðla upplýsingum um sjálfbærnimál innan SHÍ og Háskóla Íslands.
• Halda utan um yfirlit og framvindu verkefna.
• Skýrslugerð um stöðu og þróun sjálfbærnismála innan háskólasamfélagsins.

Hæfniskröfur:
Frumkvæði, sjálfstæði í vinnubrögðum og góða skipulagshæfni. Æskilegt er að viðkomandi hafi þekkingu og/eða áhuga á sjálfbærni og hagsmunagæslu stúdenta. Reynsla af viðburðastjórnun er kostur, sem og þekking eða reynsla af störfum innan SHÍ.

Umsóknarferli:
Umsóknarfrestur er til 30. júlí 2025. Umsóknir skulu berar á netfangið shi@hi.is. Hverri umsókn skal fylgja kynningarbréf, ferilskrá og upplýsingar um tvo meðmælendur. Umsóknir sem berast eftir umsóknarfrest verða ekki teknar til greina.

Stúdentaráð Háskóla Íslands auglýsir eftir umsóknum í stöðu alþjóðafulltrúa fyrir starfsárið 2025-2026.

Alþjóðafulltrúi:
Alþjóðafulltrúi sinnir þjónustu við alþjóðlega nemendur í samstarfi við Alþjóðasvið HÍ og aðstoðar m.a. við skipulagningu viðburða ásamt alþjóðanefnd SHÍ. Alþjóðafulltrúi er einnig fulltrúi stúdenta innnan alþjóðlega háskólanetsins Aurora og starfar með Aurora teymi HÍ.

Hæfniskröfur: Frumkvæði og sjálfstæði í vinnubrögðum og framúrskarandi samskiptahæfni. Gott vald á íslensku og ensku, þekking og reynsla af alþjóðastarfi og þátttaka í háskólasamfélaginu eru mikilvæg.
Starfshlutfall er eftir samkomulagi en gert ráð fyrir 50% vinnu að jafnði.

Umsóknarferli:
Umsóknarfrestur er til 23. júlí 2025. Umsóknir skulu berast á netfangið shi@hi.is. Hverri umsókn skal fylgja kynningarbréf, ferilskrá og upplýsingar um tvo meðmælendur. Umsóknir sem berast eftir umsóknarfrest verða ekki teknar til greina.

Hægt er að lesa meira um störf Stúdentaráðs hér.