Month: February 2026

Þriðjudaginn 24. febrúar 2026 fer fram fundur Stúdentaráðs kl. 17:30 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þeir verða auglýstir meðal stúdenta, og öllum áhugasömum er velkomið að mæta.

Vinsamlegast hafið samband við skrifstofu Stúdentaráðs í síma 570 0850 eða með tölvupósti á shi@hi.is ef þið hafið spurningar um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Dagskrá

Fundur settur. 

17:30

Fundargerð fyrri fundar borin upp til samþykktar.

17:30-17:35

Tillaga að Stúdentaráð lýsi yfir vantrausti á hendur rektor Háskóla Íslands.

Flutningsmaður: Stúdentaráðsliðar Vöku 2025-2026

17:35-17:50

Tillaga að heildarendurskoðun á kostnaðarliðum skrásetningargjaldsins.

Flutningsmaður: Andrea Edda Guðlaugsdóttir

17:50-18:00

Tillaga að afnema gjöld á stúdenta sem eru rukkuð í annarri mynd.

Flutningsmaður: Andrea Edda Guðlaugsdóttir

18:00-18:10

Fundarhlé

18:10-18:25

Tillaga um betri nýtingu á gamla Hámu rýminu í Odda.

Flutningsmaður: Auður Halla Rögnvaldsdóttir, Guðlaug Eva Albertsdóttir

18:25-18:35

Tillaga að Stúdentaráð tryggi aðgengi nemenda að netbeinum á stúdentagörðum.

Flutningsmaður: Guðrún Brynjólfsdóttir

18:35-18:45

Tillaga um víðtækari nýtingu Tengslatorgs í þágu náms og rannsókna

Flutningsmaður: Helga Björg B. Óladóttir

18:45-18:55

Tillaga um að SHÍ beiti sér fyrir fjármögnun stjórnvalda á stoðþjónustu við Háskóla Íslands

Flutningsmaður: Auður Halla Rögnvaldsdóttir, María Björk Stefánsdóttir

18:55-19:05

Tillaga að Stúdentaráð þrýsti á yfirvöld að fara eftir lögbundnum samningi Sameinuðu þjóðanna um réttindi fatlaðs fólks

Flutningsmaður: Sófus Máni Bender

19:05-19:15

Tillaga að bættri aðstöðu í Árnagarði

Flutningsmaður: Viktoría Tea Vökudóttir

19:15-19:25

Tillaga um Vetur Music ehf. 

Flutningsmaður: Ármann Leifsson

19:25-19:35

Kynning á framkvæmdaáætlun fastanefnda SHÍ

19:35-19:45

Bókfærð mál og tilkynningar.

19:45-20:00

Atkvæðagreiðsla fer fram um liði I.-IV. og VI.-XII.

Þriðjudaginn 24. febrúar 2026 fer fram Stúdentaráðsfundur kl. 17:30 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þeir verða auglýstir meðal stúdenta, og öllum áhugasömum er velkomið að mæta.

Vinsamlegast hafið samband við skrifstofu Stúdentaráðs í síma 570 0850 eða með tölvupósti á shi@hi.is ef þið hafið spurningar um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá verður tilkynnt síðar, frestur til að skila inn tillögum er til og með 17. febrúar 2026.

Íþróttaskóli SHÍ hefst aftur!

Íþróttaskóli SHÍ hefst aftur laugardaginn 7. febrúar 2026.

Íþróttaskóli Stúdentaráðs Vorönn 2026

Stúdentaráð Háskóla Íslands rekur íþróttaskóla fyrir börn stúdenta fædd á árunum 2020-2025. Tímarnir fara fram í íþróttahúsi háskólans við Sæmundargötu á laugardagsmorgnum og er hver tími 40 mínútur. Fyrsti tíminn verður þann 7. febrúar og er gert ráð fyrir 8 tímum í heildina. Börnunum er skipt í tvo hópa eftir aldri og eru ekki fleiri en 20 börn í hverjum hópi. Yngri hópurinn (f. 2024, 2025) er kl. 9:30 – 10:10 en eldri hópurinn (f. 2020-2023) er kl. 10:15 – 10:55. Það verður létt hressing í boði eftir hvern tíma. *Ath að aðeins skráð börn mega taka þátt.

Smellu hér til að skrá barn í íþróttaskóla SHÍ vornönn 2026

Markmið íþróttaskólans er að gefa börnum kost á hreyfinámi, efla hreyfiþroska og hreyfigetu barnanna. Bæta samhæfingu, sjálfstraust og vellíðan. Þrautabrautir skipa stærstan þátt í náminu og reynt að hafa æfingar sem fjölbreyttastar þannig að allir fái eitthvað við sitt hæfi. Unnið er bæði með fín- og grófhreyfingar. Félagsþroski, samvinna og það að taka tillit til annarra er mikilvægur þáttur í starfinu.

Verðið er 3.500 kr en veittur er 500 kr systkinaafsláttur. Heildarverð fyrir 2 systkin yrði því 6.500kr. Athugið að ef systkin eru í sitthvorum aldurshópnum er hægt að óska eftir því að fá að taka yngra systkinið með á æfingar eldri hópsins.

Foreldrar taka virkan þátt í tímum með því að aðstoða börnin sín. Þar með gefst þeim mikilvægt tækifæri að kynnast börnum sínum enn betur við aðrar aðstæður en venjulega. Greiðsluupplýsingar verða sendar fljótlega eftir skráningu. Skráningar eru staðfestar með tölvupósti. Skráningar verða afgreiddar í þeirri röð sem þær berast og ef plássin fyllast fara skráningar á biðlista. Ef einhverjar spurningar vakna ekki hika við að hafa samband við okkur í gegnum netfangið shi@hi.is.