Algengar spurningar

Af hverju finn ég miðasöluna ekki í Aur-appinu?

Hvað kostar á árshátíðina?

Get ég keypt miða bara í borðhaldið?

Ég keypti miða en kemst ekki – get ég fengið endurgreitt?

Ég sótti um rafrænt nemendaskírteini en sé það ekki í Aur-appinu – Hvað get ég gert?

Fundarboð – 6. fundur Stúdentaráðs

Þriðjudaginn 21. janúar 2025 fer Stúdentaráðsfundur fram kl. 17:00 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þeir verða auglýstir meðal stúdenta, og öllum áhugasömum er velkomið að mæta.

Vinsamlegast hafið samband við skrifstofu Stúdentaráðs í síma 570-0850 eða með tölvupósti á shi@hi.is ef þið hafið spurningar um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Dagskrá:

1. Fundur settur
   17:00
2. Yfirferð á málum sem hafa verið á döfinni
   Heimsókn frá Jóni Atla Benediktssyni, rektor
   17:00–17:10
3. Fundargerð fundar þann 12. nóvember 2024 borin upp til samþykktar
   17:10–17:15
4. Kynning á nýjum kjarafulltrúa SHÍ
   17:15–17:30
5. Tillaga um aðild Stúdentaráðs að Festu, miðstöð um sjálfbærni
   Flutningsmaður: Arent Orri J. Claessen
   17:30–17:40
6. Fundarhlé
   17:40–17:50
7. Tillaga um hreiður á háskólasvæðinu
   Flutningsmaður: Katla Ólafsdóttir, oddviti Röskvu og stúdentaráðsliði
   17:50–18:00
8. Tillaga að ályktun um kröfu um stórbættra fjarnámskosta
   Flutningsmaður: Gunnar Ásgrímsson, forseti sviðsráðs Menntavísindasviðs
   18:00–18:10
9. Lagabreytingartillaga lagaráðs
   Flutningsmaður: Arent Orri J. Claessen
   18:10–18:40
10. Bókfærð mál og tilkynningar
    • Staðfesting á kjöri Diljá Valsdóttur í sviðsráð Hugvísindasviðs
    • Staðfesting á nýjum áheyrnarfulltrúa í öryggisnefnd: Dagmar Ísleifsdóttir
    • Staðfesting á tilnefningum Röskvu og Vöku í kjörstjórn
      18:40–18:50
11. Önnur mál
    18:50–19:00

Opnað hefur verið fyrir umsóknir til annarrar úthlutunar Stúdentasjóðs skólaárið 2024-2025. Hægt er að sækja um styrki hér til kl. 12:00 þann 27. desember næstkomandi. Við hvetjum ykkur eindregið til þess að fara eins ítarlega eftir leiðbeiningum í umsóknarskjali og kostur er, en frávik frá reglum varðar frávísun umsóknar.

Áður en sótt er um hvetjum við ykkur til að kynna ykkur Stúdentasjóð á heimasíðu Stúdentaráðs og sérstaklega lög og verklagsreglur hans. Hér er hægt að nálgast helstu upplýsingar um sjóðinn samandregnar. Athugið að greiningarstyrkir og framfærslustyrkir verða veittir í þessari úthlutun.

Spurningum skal vísað til Viktors Péturs Finnssonar, stjórnarformanns sjóðsins, á netfangið studentasjodur@hi.is eða til réttindaskrifstofu Stúdentaráðs Háskóla Íslands.

Hugmyndahraðhlaup háskólanna verður haldið í Grósku helgina 4. – 5. janúar 2025.

Þetta er lausnamót, opið öllum háskólanemum landsins og er tækifæri til þess að mynda teymi og þróa með því nýsköpunarhugmynd innan öflugs stuðningsumhverfis.

Sigurvegararnir fá vegleg verðlaun og tryggt sæti í úrslitakeppni Gulleggsins!

Allar upplýsingar um Hugmyndahraðhlaup háskólanna er að finna á gulleggid.is/hh

Ný staða kjara- og réttindafulltrúa háskólanema verður sett á laggirnar sem hluti af samstarfssamningi sem Stúdentaráð Háskóla Íslands (SHÍ) og Viska hafa gert með sér. Er þetta í fyrsta sinn sem slík þjónusta verður í boði fyrir háskólanema hér á landi. Þetta eru ekki aðeins tímamót í þjónustu SHÍ við háskólanema heldur einnig ný skref í þjónustuframboði íslensks stéttarfélags.

Arent Orri J. Claessen, forseti SHÍ og Gauti Skúlason, verkefnastjóri samskipta og markaðsmála hjá Visku undirrituðu samninginn á Háskólatorgi á dögunum. Kjara- og réttindafulltrúinn mun veita þjónustu og ráðgjöf auk þess að vinna að því að efla vitund háskólanema um sín réttindi á vinnumarkaði.

„Við hjá SHÍ erum ótrúlega stolt af því að geta nú boðið nemendum í HÍ upp á kjara- og réttindatengda þjónustu og teljum stöðuna löngu tímabæra. Slíkt hefur aldrei verið gert áður hér á landi og því er þetta sögulegur áfangi í þjónustu við nemendur. Næsta skref er að auglýsa stöðu kjara- og réttindafulltrúa háskólanema við skrifstofu SHÍ og í framhaldinu hefst þessi nýja þjónusta fyrir nemendur við HÍ. Við hjá SHÍ erum ánægð með samstarfið við Visku og hlökkum mikið til framhaldsins,“ segir Arent Orri.

Við Visku stofnun Visku var komið á fót sérstakri námsmannaþjónustu fyrir háskólanema. Þjónustan virkar þannig að háskólanemar sem skrá sig í Visku fá aðgengi að allri þjónustu Visku og fría snjalltryggingu fyrir tölvu, síma og hjól.

„Staða kjara- og réttindafulltrúa háskólanema er að norrænni fyrirmynd þar sem hún hefur sannað mikilvægi sitt. Í samtölum okkar við háskólanema höfum við fundið fyrir því að eftirspurn eftir fræðslu um kjara- og réttindamál hjá ungu fólki er mikil og við viljum svara því kalli. Með því að koma stöðunni á laggirnar viljum við leggja ríka áherslu á styðja við ungt fólk sem er að afla sér þekkingar og háskólamenntunar, enda gríðarlega mikilvægur hópur fyrir framtíðina. Þannig sýnum við í verki að háskólanemar skipta máli,” segir Gauti.

Stúdentaráð Háskóla Íslands heldur fund þriðjudaginn 12. nóvember 2024 kl. 16:30 í stofu HT-102, Háskólatorgi. Fundir Stúdentaráðs eru opnir öllum stúdentum Háskóla Íslands og eru áhugasamir hvattir til að mæta og fylgjast með starfsemi ráðsins.

Dagskrá fundarins inniheldur mikilvægar tillögur og kynningar á framkvæmdaráætlunum, ásamt umræðu um ýmis mál sem snúa að stúdentalífi við skólann. Áhugasamir geta haft samband við skrifstofu Stúdentaráðs ef frekari upplýsingum er óskað.

Dagskrá:

I. Fundur settur 17:00 – 17:05
II. Fundargerð fundar þann 26. september 2024 borin upp til samþykktar 17:05 – 17:10
III. Yfirferð á málum sem hafa verið á döfinni 17:10 – 17:20
IV. Tillaga um að skrifstofa Stúdentaráðs setji sér umhverfisstefnu 17:20 – 17:30
V. Tillaga um skilvirkara bókunarkerfi á stofum Háskóla Íslands 17:30 – 17:40
VI. Tillaga um athugasemd í samráðsgátt varðandi breytingar á lögum um opinbera háskóla 17:40 – 17:50
VII. Framkvæmdaáætlun alþjóðanefndar kynnt 17:50 – 18:00
VIII. Fundarhlé 18:00 – 18:10
IX. Framkvæmdaáætlun umhverfis- og samgöngunefndar kynnt 18:10 – 18:20
X. Framkvæmdaáætlun lagabreytinganefndar kynnt 18:20 – 18:30
XI. Framkvæmdaáætlun nýsköpunar- og frumkvöðlanefndar kynnt 18:30 – 18:40
XII. Tillaga um aukningu tíðarvara í byggingum VR-II, Tæknigarði og Öskju 18:40 – 18:50
XIII. Tillaga um að inntökupróf í heilbrigðisgreinum verði víðar en í Reykjavík 18:50 – 19:00
XIV. Tillaga um árlegt fjárframlag til SHÍ nefnda til að efla félagslíf 19:00 – 19:10
XV. Bókfærð mál og tilkynningar 19:10 – 19:15
XVI. Önnur mál 19:15 – 19:20

Búið er að opna fyrir umsóknir í fyrstu úthlutun Stúdentasjóðs. Hægt er að sækja um styrki hér til kl. 14:00 þann 3. Nóvember  næstkomandi. Við hvetjum ykkur eindregið til þess að fara eins ítarlega eftir leiðbeiningum í umsóknarskjali og kostur er, en frávik frá reglum varðar frávísun umsóknar.

Áður en sótt er um hvetjum við ykkur til að kynna ykkur Stúdentasjóð á heimasíðu Stúdentaráðs og sérstaklega lög og verklagsreglur hans. Hér er hægt að nálgast helstu upplýsingar um sjóðinn samandregnar. Athugið að greiningarstyrkir og framfærslustyrkir verða ekki veittir í þessari úthlutun.-

Spurningum skal vísað til Viktors Péturs Finnssonar, stjórnarformanns sjóðsins, á netfangið studentasjodur@hi.is. eða til Réttindaskrifstofu Stúdentaráðs Háskóla Íslands.

Íþróttaskóli Stúdentaráðs Haustönn 2024.

Stúdentaráð Háskóla Íslands rekur íþróttaskóla fyrir börn stúdenta fædd á árunum 2019-2023. Tímarnir fara fram í íþróttahúsi háskólans við Sæmundargötu og er hver tími 40 mínútur. Íþróttaskólinn hefst laugardaginn 12. október og lýkur 23 nóvember. Það verða því 7 tímar í heildina. Börnunum er skipt í tvo hópa eftir aldri og eru 20 pláss í hvorum hópi. Yngri hópurinn (f. 2022, 2023) er kl. 8:45 – 9:25 og eldri hópurinn (f. 2019, 2020, 2021) kl. 09:30 – 10:10. Létt hressing í boði fyrir börnin eftir tíma.

Smelltu hér til að skrá barn í Íþróttaskóla SHÍ 2024.

Markmið íþróttaskólans er að gefa börnum kost á hreyfinámi, efla hreyfiþroska og hreyfigetu barnanna. Bæta samhæfingu, sjálfstraust og vellíðan. Leikir og þrautabrautir skipa stærstan þátt í náminu og reynt að hafa æfingar sem fjölbreyttastar þannig að allir fái eitthvað við sitt hæfi. Unnið er bæði með fín- og grófhreyfingar. Félagsþroski, samvinna og það að taka tillit til annarra er mikilvægur þáttur í starfinu.

Foreldrar taka virkan þátt í tímum með því að aðstoða börnin sín. Ef einhverjar spurningar vakna ekki hika við að hafa samband við okkur í gegnum netfangið fjolskyldushi@hi.is.

Námskeiðið er endurgjaldslaust.

Þriðjudaginn 25. september 2024 fer Stúdentaráðsfundur fram kl. 17:00 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þá skal auglýsa meðal stúdenta og er áhugasömum velkomið að mæta á fundi ráðsins.

Vinsamlegast hafið samband við skrifstofu Stúdentaráðs, í síma 570-0850 eða í tölvupósti, shi@hi.is, ef spurningar vakna um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

1. Fundur settur 17:00 – 17:05
2. Fundargerð fundar þann 26. ágúst 2024 borin upp til samþykktar 17:05 – 17:10
3. Ný fundarsköp kynnt 17:05 – 17:10
4. Kynning frá Laufinu 17:10 – 17:30
5. Tillaga um endurskoðun á skilgreiningu félaga sem starfa innan háskólans 17:30 – 17:40
6. Tillaga um takmörkun ábyrgðar vegna októberfest 17:40 – 17:50
7. Tillaga um stöðumat á líðan nemenda 17:50 – 18:00
8. Fundarhlé 18:00 – 18:10
9. Tillaga um skráningu á vinnu skrifstofu Stúdentaráðs 18:10 – 18:20
10. Framkvæmdaáætlun fjölskyldunefndar 18:20 – 18:30
11. Framkvæmdaáætlun fjármála- og atvinnulífsnefndar 18:30 – 18:40
12. Framkvæmdaáætlun félagslífs- og menningarnefndar 18:40 – 18:50
13. Framkvæmdaáætlun jafnréttisnefndar 18:50 – 19:00
14. Fundarhlé 19:00 – 19:10
15. Tillaga um vatns- og kaffivélar 19:10 – 19:20
16. Tillaga um aukið aðgengi að sálfræðiþjónustu 19:20 – 19:30
17. Tillaga um að Stúdentaráð beiti sér fyrir upptöku samgöngukorts 19:30 – 19:40
18. Tillaga um að bæta Eduroam og nettengingu innan skólans 19:40 – 19:50
19. Bókfærð mál og tilkynningar 19:50 – 20:00
20. Önnur mál 19:50 – 20:00

Uppfært þann 21. september.

Nú getur þú fengið rafrænt nemendaskírteini beint í Aur-appið! SHÍ hefur tryggt fjöldan allan af afsláttum fyrir stúdenta, og hægt er að sjá afslættina hérna.

Til að nálgast rafræna nemendaskírteinið þarf að skrá sig sérstaklega hér. Það getur tekið nokkra daga fyrir skírteinið að virkjast í appinu.