Fréttir

Keyptu miða á forsöluverði á Októberfest!

Posted on by Studentarad
🎉Októberfest SHÍ verður haldið hátíðlega 4.-6. september í Vatnsmýrinni🎉
🎟️ Forsala hefst er hafin, mjög takmarkað miðamagn í boði.
Tryggðu þér miða og bjórkort á langbesta dílnum á oktoberfestshi.is‼️
Listamenn verða tilkynntir síðar.
ATH! Allir stúdentar geta keypt stúdentapassa. 20 ára aldurstakmark er á hátíðina en stúdentar í HÍ geta þó keypt miða þó þeir nái ekki aldurstakmarki.

Hafið samband við okkur í síma 570-0850 eða í tölvupósti á shi@hi.is ef það koma upp einhver vandamál eða einhverjar spurningar.

See less

Stúdentaráðsfundur 24. febrúar 2026

Posted on by Studentarad

Þriðjudaginn 24. febrúar 2026 fer fram Stúdentaráðsfundur kl. 17:30 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þeir verða auglýstir meðal stúdenta, og öllum áhugasömum er velkomið að mæta.

Vinsamlegast hafið samband við skrifstofu Stúdentaráðs í síma 570 0850 eða með tölvupósti á shi@hi.is ef þið hafið spurningar um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá verður tilkynnt síðar, frestur til að skila inn tillögum er til og með 17. febrúar 2026.

Íþróttaskólinn vorönn 2026

Posted on by Studentarad

Íþróttaskóli SHÍ hefst aftur!

Íþróttaskóli SHÍ hefst aftur laugardaginn 7. febrúar 2026.

Íþróttaskóli Stúdentaráðs Vorönn 2026

Stúdentaráð Háskóla Íslands rekur íþróttaskóla fyrir börn stúdenta fædd á árunum 2020-2025. Tímarnir fara fram í íþróttahúsi háskólans við Sæmundargötu á laugardagsmorgnum og er hver tími 40 mínútur. Fyrsti tíminn verður þann 7. febrúar og er gert ráð fyrir 8 tímum í heildina. Börnunum er skipt í tvo hópa eftir aldri og eru ekki fleiri en 20 börn í hverjum hópi. Yngri hópurinn (f. 2024, 2025) er kl. 9:30 – 10:10 en eldri hópurinn (f. 2020-2023) er kl. 10:15 – 10:55. Það verður létt hressing í boði eftir hvern tíma. *Ath að aðeins skráð börn mega taka þátt.

Smellu hér til að skrá barn í íþróttaskóla SHÍ vornönn 2026

Markmið íþróttaskólans er að gefa börnum kost á hreyfinámi, efla hreyfiþroska og hreyfigetu barnanna. Bæta samhæfingu, sjálfstraust og vellíðan. Þrautabrautir skipa stærstan þátt í náminu og reynt að hafa æfingar sem fjölbreyttastar þannig að allir fái eitthvað við sitt hæfi. Unnið er bæði með fín- og grófhreyfingar. Félagsþroski, samvinna og það að taka tillit til annarra er mikilvægur þáttur í starfinu.

Verðið er 3.500 kr en veittur er 500 kr systkinaafsláttur. Heildarverð fyrir 2 systkin yrði því 6.500kr. Athugið að ef systkin eru í sitthvorum aldurshópnum er hægt að óska eftir því að fá að taka yngra systkinið með á æfingar eldri hópsins.

Foreldrar taka virkan þátt í tímum með því að aðstoða börnin sín. Þar með gefst þeim mikilvægt tækifæri að kynnast börnum sínum enn betur við aðrar aðstæður en venjulega. Greiðsluupplýsingar verða sendar fljótlega eftir skráningu. Skráningar eru staðfestar með tölvupósti. Skráningar verða afgreiddar í þeirri röð sem þær berast og ef plássin fyllast fara skráningar á biðlista. Ef einhverjar spurningar vakna ekki hika við að hafa samband við okkur í gegnum netfangið shi@hi.is.

Opið fyrir umsóknir í þriðju úthlutun Stúdentasjóðs

Posted on by Studentarad

Búið er að opna fyrir umsóknir í þriðju úthlutun Stúdentasjóðs. Hægt er að sækja um styrki með eyðublaðinu hér til 22:00 þann 30. janúar næstkomandi. Við hvetjum ykkur eindregið til þess að fara eins ítarlega eftir leiðbeiningum í umsóknarskjali og kostur er, en frávik frá reglum getur varðað frávísun umsóknar.

Áður en sótt er um hvetjum við ykkur til að kynna ykkur Stúdentasjóð á heimasíðu Stúdentaráðs og sérstaklega lög hans. Hér er hægt að nálgast helstu upplýsingar um sjóðinn samandregnar. Athugið að greiningarstyrkir og framfærslustyrkir verða ekki veittir í þessari úthlutun.

Spurningum skal vísað til Bríetar Magnúsdóttur, formanns sjóðsstjórnar, á netfangið studentasjodur@hi.is. eða til Réttindaskrifstofu Stúdentaráðs Háskóla Íslands.

 

Uppfært: Frestur er til mánudagsins 2 febrúar kl: 22:00

Fundarboð – 5. fundur Stúdentaráðs

Posted on by Studentarad

Þriðjudaginn 27. janúar 2026 fer fram Stúdentaráðsfundur kl. 17:30 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þeir verða auglýstir meðal stúdenta, og öllum áhugasömum er velkomið að mæta.

Vinsamlegast hafið samband við skrifstofu Stúdentaráðs í síma 570 0850 eða með tölvupósti á shi@hi.is ef þið hafið spurningar um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Dagskrá

Fundur settur. 

17:30

Fundargerð fyrri fundar borin upp til samþykktar.

17:30-17:35

Tillaga um aukið aðgengi að tíðarvörum á salernum Háskólans.

Flutningsmaður: Jón Gnarr

17:35-17:45

Tillaga að Stúdentaráð þrýsti á Háskóla Íslands að stöðva niðurskurð á námsframboði.

Flutningsmaður: María Björk Stefánsdóttir

17:45-17:55

Tillaga að Stúdentaráð Háskóla Íslands beiti sér fyrir áframhaldandi inntökuprófum á Akureyri samhliða prófum í Reykjavík.

Flutningsmaður: Eiríkur Kúld Viktorsson

17:55-18:05

Fundarhlé

18:05-18:20

Tillaga um ítrekun upptökuprófa á Félagsvísindasviði.

Flutningsmaður: Valeria Bulatova

18:20-18:30

Tillaga um að SHÍ beiti sér fyrir að sérrýmum fyrir nemendafélög í Öskju.

Flutningsmaður: Guðný Helga Sæmundsen

18:30-18:40

Tillaga um skiptiborð í Eirbergi. 

Flutningsmaður: Guðlaug Eva Albertsdóttir

18:40-18:50

Tillaga um aukinn sýnileika sálfræðiþjónustu Háskóla Íslands.

Flutningsmaður: Halldóra Elín Einarsdóttir

18:50-19:00

Tillaga að bættri prentþjónustu í Háskólanum.

Flutningsmaður: Magnús Hallsson

19:00-19:10

Kynning á framkvæmdaáætlunum fastanefnda SHÍ.

19:10-19:50

Bókfærð mál og tilkynningar.

19:50-19:55

Önnur mál

19:55-20:00

Atkvæðagreiðsla fer fram um liði I.-IV. og VI.-X.

Stúdentaráðsfundur 27. janúar 2026

Posted on by Studentarad

Þriðjudaginn 27. janúar 2026 fer Stúdentaráðsfundur fram kl 17:30.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þá skal auglýsa meðal stúdenta og er áhugasömum velkomið að mæta á fundi ráðsins. Athugið að fundurinn fer fram á íslensku.

Vinsamlegast hafið samband við skrifstofu Stúdentaráðs, í síma 570-0850 eða í tölvupósti, shi@hi.is, ef spurningar vakna um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

Fundardagskrá verður tilkynnt síðar, frestur til að skila inn tillögum er til og með 20. janúar 2026.

Opið fyrir umsóknir í aðra úthlutun Stúdentasjóðs

Posted on by Studentarad
Opið fyrir umsóknir í aðra úthlutun Stúdentasjóðs
Búið er að opna fyrir umsóknir í aðra úthlutun Stúdentasjóðs. Hægt er að sækja um styrki með eyðublaðinu hér til 22:00 þann 22. desember næstkomandi. Við hvetjum ykkur eindregið til þess að fara eins ítarlega eftir leiðbeiningum í umsóknarskjali og kostur er, en frávik frá reglum getur varðað frávísun umsóknar.
Áður en sótt er um hvetjum við ykkur til að kynna ykkur Stúdentasjóð á heimasíðu Stúdentaráðs og sérstaklega lög hans. Hér er hægt að nálgast helstu upplýsingar um sjóðinn samandregnar.
Spurningum skal vísað til Bríetar Magnúsdóttur, formanns sjóðsstjórnar, á netfangið studentasjodur@hi.is. eða til Réttindaskrifstofu Stúdentaráðs Háskóla Íslands.
Fastir styrkir til félaga verða ekki veittir í þessari úthlutun.
Í fyrsta skipti verður boðið upp á bílastæðastyrk fyrir nemendur sem þurfa að keyra langa leið í skólann. Stjórn sjóðsins hefur eyrnamerkt fjármagn sem verður skipt milli nemenda sem eru með lögheimili utan höfuðborgasvæðisins. Nauðsynlegt er að skila inn staðfestingu á lögheimili sem hægt er að nálgast á island.is, það er ekki nauðsynlegt að óska eftir vottorði frá þjóðskrá.

Rafræn nemendaskírteini

Posted on by Studentarad

Nú getur þú fengið rafrænt nemendaskírteini beint í wallet! SHÍ hefur tryggt fjöldan allan af afsláttum fyrir stúdenta, og hægt er að sjá afslættina hérna.

Til að nálgast rafræna nemendaskírteinið þarf að skrá sig sérstaklega hér. Það getur tekið nokkra daga fyrir skírteinið fyrir skírteinið að koma í wallet í símanum.

Ríkisstjórnin hækkar leigu stúdenta

Posted on by Studentarad

Í dag, þann 10. nóvember 2025, stendur til á Alþingi að kjósa um Húsaleigufrumvarpið. Með frumvarpinu mun leiguverð á stúdentagörðum hækka. Hvers vegna? Jú, af því að í frumvarpinu er gert óheimilt að hækka leiguverð á fyrstu 12 mánuðum leigu. Sú ákvörðun er góð í sjálfu sér, og fyrirsjáanleiki góður fyrir leigutaka á almennum leigumarkaði. En stúdentar eru ekki á almennum leigumarkaði heldur á stúdentagörðum, reknum af sjálfseignarstofnunum eins og Félagsstofnun stúdenta og Byggingafélag námsmanna, sem halda leiguverði í lágmarki. Tilgangur stúdentagarða er m.a. að tryggja námsmönnum heimili meðan þeir stunda nám, tryggja stúdentum af landsbyggðinni aðgengi að háskólanámi eða stúdentar sem eru að stofna fjölskyldu.

Í stað þess að geta tryggt lægsta leiguverð til stúdenta, sem nú er gert með vísitölutengingu, þyrftu FS og BN að reikna verðbólgu næstu 12 mánaða inn í samninginn strax. Leiga mun því hækka um það sem FS og BN þarf að gera ráð fyrir að verðbólga verði eftir 12 mánuði. Með öðrum orðum, stúdentar munu þurfa að borga meira í leigu en núna.

Fyrirsjáanleiki er góður, en á hvers kostnað er fyrirsjáanleikinn?

Stúdentar krefjast þess að þingheimur kjósi gegn þessari kjaraskerðingu stúdenta og námsmanna um allt land.

Arent Orri J. Claessen, forseti stúdentaráðs

Viktor Pétur Finnsson, lánasjóðsfulltrúi stúdentaráðs.

 

Greinin birtist fyrst á Vísi 10. nóvember 2025.

Skorum á HÍ að endurskoða ákvörðun um að taka ekki inn nýnema í starfstengt diplómanám!

Posted on by Studentarad
Stúdentaráð Háskóla Íslands harmar ákvörðun Háskóla Íslands um að taka ekki inn nýnema í starfstengt diplómanám fyrir fólk með þroskahömlun á næsta skólaári.
Ákvörðunin er að mestu leyti tekin vegna fjárskorts sem rekja má til vanfjármögnunar háskólastigsins af hálfu stjórnvalda. SHÍ harmar að vanfjármögnun þessi bitni hvað harðast á jaðarsettum hópi í samfélaginu með skertu aðgengi að námsleið ætluðum honum.
Námið hefur veitt stórum hópi fólks með þroskahömlun bæði verkfærin og tækifærið til að öðlast frekara sjálfstæði. Jákvæð áhrif námsins endurspeglast í háu hlutfalli brautskráðra sem eru á vinnumarkaði 2 árum eftir útskrift en einnig í auknu sjálfstrausti nemenda. Nemendur námsleiðarinnar eru stór hluti af skólasamfélaginu. Þau eru virk í störfum nemendafélaga og héldu þau málþing síðastliðna önn í samstarfi við Þroskahjálp, en um 200 manns sóttu viðburðinn.
Námsleiðin er sú eina í boði fyrir þennan hóp á Íslandi og er óásættanlegt að skerða aðgengi að henni enn frekar en nú þegar eru teknir inn á brautina mun færri en útskrifast árlega af starfsbrautum framhaldsskólanna.
Í samningi Sameinuðu þjóðanna um réttindi fatlaðs fólks, sem er fullgildur á Íslandi og stefnt er á að verði lögfestur á næstu misserum er skýrt kveðið á um að allir eigi rétt á menntun án aðgreiningar – á öllum skólastigum. Í 24. grein samningsins segir sérstaklega að fatlað fólk eigi að hafa aðgang að háskólanámi á jafnræðisgrundvelli við aðra, með viðeigandi aðlögun og stuðningi. Háskóla Íslands ber að uppfylla skilyrði samningsins.
Því skorar SHÍ á stjórnvöld og Háskóla Íslands að tryggja fjármögnun og inntöku nýnema á hverju ári án tafar. Slíkt er forsenda fyrir jöfnu aðgengi að menntun og fullgildri þátttöku allra í samfélaginu. Háskólinn á að vera stoltur af því að bjóða upp á fjölbreytt nám fyrir fjölbreyttan nemendahóp og á að halda því góða starfi áfram. Háskóli Íslands á að vera háskóli allra landsmanna og því er mikilvægt að hafa inngildandi stefnu að leiðarljósi. Starfstengda diplómanámið hefur verið skólanum til sóma og krefst Stúdentaráð þess að það haldi áfram að vera það.
Tillaga um ofangreint var einróma samþykkt á fundi stúdentaráðs.

Fundarboð – 4. fundur Stúdentaráðs

Posted on by Studentarad

Mánudaginn 3. nóvember 2025 fer fram Stúdentaráðsfundur kl. 17:30 í stofu N-132, Öskju.

Samkvæmt 9. gr. laga Stúdentaráðs eru fundir ráðsins opnir öllum stúdentum við Háskóla Íslands. Þeir verða auglýstir meðal stúdenta, og öllum áhugasömum er velkomið að mæta.

Vinsamlegast hafið samband við skrifstofu Stúdentaráðs í síma 570 0850 eða með tölvupósti á shi@hi.is ef þið hafið spurningar um fundinn eða dagskrá hans. Jafnframt er öllum stúdentum velkomið að hafa samband við skrifstofu Stúdentaráðs vakni spurningar um réttindi þeirra.

 

Dagskrá

Fundur settur. 

17:30

Fundargerð fyrri fundar borin upp til samþykktar.

17:30-17:35

Tillaga að um breytingu á skilyrðum fyrir fæðingastyrk námsmanna.

Flutningsmaður: Andrea Edda Guðlaugsdóttir

17:35-17:45

Tillaga að Stúdentaráð árétti fyrri afstöðu sína um betra skipulag og samhæfingu á matsáætlunum innan sviða og deilda.

Flutningsmaður: María Björk Stefánsdóttir

17:45-17:55

Tillaga að Stúdentaráð Háskóla Íslands beiti sér fyrir því hægt verði að selja nikótínpúða á útsölustöðum Hámu.

Flutningsmaður: Eiríkur Kúld Viktorsson

17:55-18:05

Fundarhlé

18:05-18:20

Tillaga um endurskoðun námsefnis í grunnskólakennaranámi.

Flutningsmaður: Halldóra Elín Einarsdóttir

18:20-18:30

Tillaga um að SHÍ lýsi yfir skýrum stuðningi við trans stúdenta og starfsfólk við Háskóla Íslands.

Flutningsmaður: María Björk Stefánsdóttir

18:30-18:40

Tillaga að Stúdentaráð Háskóla Íslands beiti sér fyrir sanngirni í rukkun bílastæðagjalda við Háskóla Íslands.

Flutningsmaður: Eiríkur Kúld Viktorsson

18:40-18:50

Tillaga að breytingu á tíðni inntöku í starfstengt diplómunám fyrir fólk með þroskahömlun.

Flutningsmaður: Halldóra Elín Einarsdóttir

18:50-19:00

Tillaga um bættar öryggisráðstafanir á stúdentagörðum.

Flutningsmaður: Jón Karl Ngosanthiah Karlsson, Sigrún Ósk Hreiðarsdóttir

19:00-19:10

Tillaga um að SHÍ beiti sér fyrir því að sett verði á laggirnar staðlað verklag í tilvikum sjálfsvígs á stúdentagörðum.

Flutningsmaður: Guðlaug Eva Albertsdóttir

19:10-19:20

Tillaga að tryggt verði að stúdentar hafi ætíð aðgang að rafmagnsinnstungum í öllum stofum háskólans.

Flutningsmaður: Kjartan Leifur Sigurðsson

19:20-19:30

Kynning á framkvæmdaáætlunum fastanefnda SHÍ.

19:30-19:55

Bókfærð mál og tilkynningar.

19:55-20:00

 

Atkvæðagreiðsla fer fram um liði II.-IV. og VI.-XIII.